"Os campos da morte: A batalla para alimentar a gandaría industrial" é un novo documentario sobre os impactos ambientais e sociais dos monocultivos de soia (na súa imensa maioría transxénica) en America Latina, destinados á alimentación de gando industrial na Europa e Asia.
"Imensas plantacións de soia, cultivada para alimentar os polos, vacas e porcos europeus, eliminan a vida selvaxe e agravan o problema da mudanza climática. Para dedicar máis superficie ao cultivo de soia, millares de persoas están a ser forzadas a abandonar as súas terras. Estase a desprazar poboación indíxena e estanse a talar bosques", dise na apresentación da película no seu web.
O filme foi producido por REDES-Amigos de la Tierra Uruguay, Food and Water Watch, Friends of the Earth Europe e os socios do programa “Feeding and Fuelling Europe”.