O Estado español é un dos maiores consumidores de peixe e marisco do mundo. A sobre-pesca, a pesca pirata e as prácticas destrutivas están a esgotar os recursos do mar e a destruír os oceanos. Máis do 80% das pescarías de Europa están sobre-explotadas ou esgotadas.
WWF-ADENA tirou en Xaneiro de 2008 a súa guía de consumo responsábel de peixe e marisco, referida na súa primeira edición só a especies capturadas ou criadas en Europa. A guía pódese descarregar en versión de peto ou consultar no web. As especies recollidas son clasificadas como de consumo "recomendábel", "aceitábel" ou "non recomendado". A información no web é máis completa e recolle fichas de cada especie.