Consomes ou Devoras? Consumo responsábel, xusto e ecolóxico

Que pasa se deixas un happy meal de McDonald's enriba dunha mesa e o fotografas durante os 137 días seguintes? Nada. Iso é o máis chocante do experimento artístico da fotógrafa neoiorquina Sally Davies, que está a inmortalizar a evolución dunha hamburguesa e unhas patacas fritidas da cadea de comida rápida no salón da súa casa e publicando as instantáneas en Internet.
En ambos os produtos non se observa nengún signo de balor, putrefación ou outros procesos que afectan á comida humana habitual fóra das cámaras frigoríficas. Máis de catro meses despois de que a artista os mercase, están practicamente igual que o primeiro día, cal brazo incorrupto de Santa Teresa.