O presidente de Bolivia, Evo Morais, promulgou o domingo unha lei para fomentar o desenvolvemento agrícola no seu país, pero prohibindo a produción dos produtos transxénicos. A "Ley de Revolución Productiva Comunitaria y Agropecuaria" foi promulgada nun acto ante organizacións campesiñas e indíxenas afíns ás que o gobernante pediu garantir "a seguridade alimentaria con soberanía" do país e manter o apoio político ao seu Goberno. O ministro da Presidencia, Carlos Romeu, explicou que a lei é parte do plan gobernamental para fomentar a produción agrícola, que antes deu outros pasos como a repartición de terras a indíxenas e campesiños e a eliminación das relacións de servidume nalgunhas rexións rurais.
Podes ler a noticia completa aqui.