O pasado xoves 27 de novembro, tras seis meses de xestación, nacía en Compostela a Rede Galega de Consumo Responsábel e Consciente. A rede nace para dar resposta ao insuficiente coñecemento e visibilidade social do consumo ecolóxico, responsable e consciente; a insuficiente intercooperación entre as organizacións de economía social adicadas ao consumo ecolóxico, responsable e consciente, a insuficiencia e descoordinación na representación conxunta en foros e iniciativas relacionadas co consumo ecolóxico, responsable e consciente, o insuficiente coñecemento social das fórmulas de economía social para organizar o consumo ecolóxico, responsable e consciente; a percepción social do consumo ecolóxico como elitista e de altos prezos e a Insuficiente comunicación entre produtoras; transformadoras e consumidoras.
Pártese para iso dunha situación de clara tendencia ao crecemento do consumo ecolóxico, responsable e consciente no noso pais, nun momento es que estanse a crear novos proxectos de consumo responsable colectivos.
Os principios nos que se asenta esta nova rede son:
- Sustentabilidade
- Consumo Consciente e Responsable
- Desenvolvemento local e arraigamento social
- Comercio xusto
- Soberanía alimentar
- Agroecoloxía
- Loita contra os transxénicos
- Economía social
- Transformación social non capitalista
Forman parte da mesma 11 colectivos que agrupan a máis de 1.500 asociados/as e facturan ao longo do ano perto de 1.000.000 de euros.
Asociación A Cova da Terra (Lugo), Asociación de Comercio Xusto Panxea (Compostela), Asociación de Consumo Responsable Semente de Ourense, Asociación Galega Amarante Setem para o Ecodesenvolvemento, Asociación para o Desenvolvemento Rural Sostible O Grelo Verde, Consumo Consciente Arbore, S. Coop. Galega (Vigo), Cooperativa de Consumo Responsable A Xoaniña, S.Coop.Galega (Ferrol), Cooperativa de Consumo Responsábel Eirado, S. Coop. Galega, Cooperativa de Consumo Responsable Zoca Miñoca (A Coruña), Grupo Promotor Cooperativa de Consumo Responsable de Pontevedra e a Tenda Pro MunDos S. Coop. Galega (Vigo).