O vindeiro Domingo 21 de Decembro a Rede de Troco de Ferrol organiza un Mercadillo de Troco. Será na Praza Vella e preténdese que se consolide cunha periodicidade bimensal e complementada por un web. No caso de que chova o mercadillo de troco será no edificio do Mercado Central.
Trocaranse: Libros, Menaxe de cociña, Artesanía, Audiovisuais, Xogos e xoguetes, Roupa e todas aquelas cousas que podan ser de interese para outras persoas.
Quen desexe colaborar na organización do Mercadillo e na Rede de Troco de Ferrol pódese achegar á xuntanza que se celebrará Sábado 20 ás 12:00 horas na Praza Vella ou facelo directamente no propio mercadillo de Domingo.