Sinxelo e clarificador video-comic de Alex Saló onde fai un un ácedo repaso ao acontecido dende o ano 1998 no estado español. Naquel fatídico ano, o goberno de Aznar aproba unha Lei do Solo que permite facer urbanizable practicamente calquera tipo de solo e abre a caixa dos tronos que enche ao longo dos anos a burbulla inmobiliaria.
O cŕedito fácil, hipotecas a mansalva a tipos moi baixos, urbanizacións construídas para blanquear cartos a eito (teñamos en conta que o estado español é o que conta con máis billetes de 500 € en circulación), segundas, terceiras e cuartas vivendas....o paraiso do consumo do tixolo. Os beneficios quintuplícanse agas nos soldos da xente traballadora que se manteñen iguais. Pero non hai problema, podemos invertir en tixolo a través de hipotecas a 45 anos, é unha iversión segura, a vivenda sempre sube de prezo .....
Ate que comezou a baixar, e o tinglado de casino montado arredor da construción colapsou. Non hai con que pagar as hipotecas, cifras de paro mareantes hai un parque de vivendas hipertrofiado e cidades fantasma sen ocupar