Polo menos 625 sustancias químicas altamente tóxicas para a saúde e o medio ambiente poderían estar circulando por España sen ningunha medida de control. Algunhas delas poden ser cancerígenas, mutágenas ou tóxicas para a reprodución, segundo advertiu Comisións Obreiras.

Así, desde a secretaría federal de Medio Ambiente do sindicato, explican que se trata de sustancias que, no argot técnico coñécense como CMR, é dicir que pode ter un, dous ou todos os efectos descritos á vez.

Estas sustancias químicas poden acceder ao corpo humano por inhalación, inxestión ou penetración a través da mucosa e pel. Atópanse en numerosos obxectos da vida cotiá. Por exemplo, a bencidina é un "potente cancerígeno" que se utiliza como axente téxtil e como compoñente de aparellos electrónicos; o 2,4-dinitrotolueno, é unha sustancia que se utiliza para facer tinguiduras, explosivos ou materiais de goma e plástico.

CCOO recorda que a norma europea do regulamento REACH (Rexistro, Avaliación, Autorización e Restrición das sustancias e mesturas químicas) estipula que estas sustancias deberían haberse rexistrado antes do 30 de novembro de 2010 se o seu volume de produción é igual ou superior a unha tonelada ao ano.