O goberno de Aragón e ECODES (Fundación Ecología y Desarrollo) veñen de publicar a guía sobre o risco químico no fogar "Peligrosamente juntos. Tóxicos en casa". O manual informa sobre os efeitos ambientais e para a saúde asociados ao uso de produtos químicos perigosos, sobre as substancias químicas perigosas máis comúns na nosa vida diaria e sobre o novo regulamento REACH (Rexistro, Avaliación e Autorización de Substancias Químicas), ademais de achegar consellos para a substitución de produtos tóxicos e perigosos por outros máis seguros.